Strokaðist út

Arg og garg. er ekki í stuði fyrir svoleiðis, allt púka að kenna (sem átti að villulesa textann), var eitthvað að blaðra um sumarið, Róbert sópaði svalirnar og þreif sólstólana. Ég þreif grillið og nú er allt reddí fyrir sól og sumaryl.

Langur göngutúr í dag með Kolbrá öfugsnúnu. Nei er næstum það eina sem hún segir blessuð. Hún var sífellt að snúa sér við og reyna að stinga mig af og kasta steinum ofan í gjótur og reyna að renna sér niður gil. Enduðum svo á róló.

Stórnmál. Ógeð á kosningaauglýsingum. Ég heilbrigðisráðherra = hækka laun = leystur vandi á skorti hjúkrunarfræðinga.

Hvað á að kjósa? MIG?

Blogg sem ekki átti að enda svona. Pirr.......

ohhh

Best að byrja á því nýjasta: Í dag klessti ég bílinn  Engar áhyggjur, enginn slasaðist en bílinn er frekar skemmdur að framan, keyrði s.s. aftan á bíl en konan fyrir framan þann bíl tók upp á því að bremsa bara út í bláinn. Þoli ekki svona. Alla vega, skemmtilegir tímar fram undan, vesenast í tryggingunum, fara með bílinn á verkstæði og svo fram vegis.

En annars var ég fyrir austan og hafi yfirumsjón með fæðingardeildinni þar um helgina. Þá erum við að tala um sauðburðinn sko. Mamma og pabbi skruppu í bæinn á laugardaginn og ég þurfti að draga 2 lömb út og svei mér hvað ég hélt að annað þeirra væri steindautt, hélt meira að segja að ég hefði hálsbrotið það.....Ásamt því þá sáum við Guðný um fjósið og ég þrælaði henni út í stærðfræði. Kolbrá skemmti sér hið besta og varð eftir þar fram á þriðjudag. Þá kom hún með mömmu og pabba aftur í bæinn og skelltum við okkur i 75 ára afmæliskalkún hjá ömmu Níní.

Humm, Róbert hefur nú bloggað oftar en ég síðustu daga og nú síðast um skvassmótið sem hann tók þátt í. Hann vildi einnig fara út til Aþenu á úrslitaleik meistaradeildarinnar en ég stoppaði það nú snarlega af. Alveg nóg víst á planinu næstu mánuði; Króatía í júní, brúðkaup í ágúst og París eftir það  Jibbí. En á paninu næstu daga er víst lítið nema vinna....... einhvern vegin verður maður nú víst að borga þetta allt og bætist nú við viðgerð á blessuðum bílnum.

En nú er ég að verða vitlaus að pikka á þetta ömurlega lyklaborð fartölvunnar enda nóg komið af leiðinda og óspennandi fréttum í bili.

Blesh (eins og Helga systir segir)

 

Jæja þá...fyrst allir eru ólmir í að ég haldi áfram

Get svo sem kannski haldið áfram aumum, lélegum og óspennandi bloggum en bara meðan Helga er úti í Ástralíu, svo hætti ég.

Þetta blogg ræskni er þó einkum auglýsing á að Róbert minn hyggst blogga í kvöld. Og detti mér nú allar dauðar lýs úr höfði.

Hafið það gott  það veit Guð að ég myndi vilja sofa í heilan sólarhring!

Eitthvað svo óspennandi

Mér finnst bloggin mín eitthvað svo agalega óspennandi að ég er bara að hugsa um að hætta þessu bara. Eru hvort eð er blogg ekki bara dottin úr tísku? það er alla vega úr tísku hjá vinum og kunningjum að kommenta, ég er held ég hætt að kommenta hjá öðrum svona að mestu og spurning að fara bara frekar að hitta fólk. Æ ég veit ekki, hef samt mjög gaman af að lesa annarra manna blogg, bara ekki mín eigin, þau eru eitthvað svo dauf og fjalla að mestu leiti bara um hvað ég er að vinna mikið......

Spörning sem komin er í meltu

Svefn og nammi

Það er fátt betra heldur en langur og góður svefn eftir næturvaktir. Í gær svaf ég til dæmis til hálf fimm og mætti svo aftur á vakt klukkan átta og var til átta í morgun s.s. meira en tólf tíma. Mesta furða hvað ég þoli þessar næturvaktir vel sýnist mér. Í dag ætlaði ég svo að vakna klukkan tvö svo ég sofni nú einhvern tíman í kvöld en skreið fram úr rétt fyrir hálf fjögur. Býst fastlega við því að verða andvaka í kvöld....zzz En það sem þetta var svo sannarlega vinnuhelgin mín gerði ég auðvitað ekkert annað en að sofa og vinna og félagslif,,,, hvað er það???? Missti víst af afar skemmtilegu afmæli hjá herra Ómari á laugardagskvöldið og svo barnahittingi vinkvenna minna í gær.... æ maður fær vist ekki allt í heiminum.

Á morgun er vigtunin mikla # naga geglur# það á sko ekki að vigta mig heldur barnið og það er brjáluð spenna fyrir því hvort hún hafi nú þyngst eitthvað. Þótt það væri auðvitað gott að vigta mig einnig úr því að við skötuhjú erum bæði komin í strangt aðhald frá og með í dag (rétt upp hönd sem hefur aldrei heyrt þetta áður). Gerðust meira að segja svo djörf að henda fullum innkaupapoka af alls kyns óhollustu sem okkur hefur áskotnast s.s smákökum frá jólum, snakki frá snakkfíklinum Róberti, nammi sem ég veit ekkert hvernig okkur hefur borist og útrunnu kexi sem hefur fylgt okkur síðan í Drápuhlíðinni. Við erum nú meir matar&nammifíklarnir.... en ég get sko alveg sagt ykkur að það var bara ansi gaman að henda þessu öllu!

En nú er ég eigi lengur ein heima og slútta þessu hér með!

slæmar minningar af .....

Já það er óhætt að segja að það hafi rifjast upp leiðinda minningar af iðnaðarmanna töktum okkar Róberts í dag þegar við loksins loksins ætluðum að vera svo dugleg að hengja upp eitt stykki spegil sem hefur staðið á gólfinu hjá okkur síðan við fluttum. Nú veit ég af hverjum við höfum ekki lagt í þetta enn....(var greinilega farin að gleyma) en eftir svo sem eins og tvær ferðir í byko/húsó er hann enn í lamasessi á rúminu okkar og tvö gapandi ljót göt á miðjum veggnum. Grr og minns pirraður. Komumst svo að því eftir smá tjatt við almennilegan sölumann að ekki er hægt að hengja svona þungan spegil í gifsvegg og því verðum við að ráðast á steinvegginn..... súper.... hlakka til að sjá hvað kemur út úr því (not).

Er annars bara í 4 daga fríi (seinasti dagurinn reyndar) og vinn svo næstu 5 daga. Höfum verið að reyna að taka e-ð til hérna heima, fór í saumó í gær, út á róló reglulega, þrisvar í ræktina á 5 dögum þar af mjög crazy tímí í gær hjá fyrrum nágrannakonu okkar úr Drápuhlíðinni. Orðum það bara svona; GET EKKI GENGIÐ í dag, hef greinilega verið allt of lin við sjálfa mig í ræktinni upp á síðkastið. Spurning að fara taka betur á því......

Páskar 2007

Fórum austur á föstudaginn langar strax eftir næturvakt hjá mér, ég var sofandi í bílnum, sofandi eftir hádegi og hálfsofandi fram eftir kvöldi. Var ekki lengur sofandi um miðnættið, þá var herrann minn sofandi í staðinn. Það var frekar leiðinlegt veður alla helgina svo ekki komst ég í útreiðatúr eins og planað hafði verið en við fórum margar ferðir út í hesthúsið sem er svo nýtt og fínt að það er bara alveg magnað. Kolbrá er nefnilega úti og dýrastelpa mikil svo það var farið út að minnsta kosti þrisvar á dag. Fengum dýrindis mat - hangikjöt - bæjonskinku og lambalæri, hvert öðru betra og su stutta bara sat og borðaði og borðaði og borðaði. Á páskadag komu svo amma, sússi og siggi og við spiluðum carcasonne, Róbert var grár litur og var það víst tákn alcans og með kænsku sinni yfirtók Róbert landi hans Sigga og við hin lágum í krampakasti, þetta var svo fyndið. Fórum svo í bæinn um kvöldið með viðkomu hjá ömmu Kötu (fjörgömul, verður 97 ára í maí) og hún samdi nýja vísu um Kolbrá. En hún var ansi hrædd við langömmu sína og vildi sem mest bara faðma mig! En sem sagt; Fín páskahelgi að baki.

En nú er ég búin að vinna í dag og í gær og er nú í 2 daga fríi. Ég veit svei mér ekki hvað ég á af mér að gera því allt grey´s ið er búið. Endilega komið með uppástungur að aktíviteti fyrir mig/kolbrá eða okkur báðar  og ekkert svona rugl eins og taka til eða fara í ræktina, það gengur alls ekki upp.

Með vorkveðju Jójó (er ekki vorið annars komið nú eftir þessa einkennilegu snjókomu í morgun?)

Síðan síðast....

.... hef ég horft á óteljandi marga grey´s þætti

....hugsað of lítið um heimilið s.s. þrífa og þvo

....farið í leikhús að sjá viltu finna milljón og hlegið mikið

....farið í partý og djamm og dans

....unnið að sjálfsögðu, mikið í síðustu viku, minna í þessarri

....farið austur með Kolbrá í pössun og sótt hana aftur

....farið á fræðsludag í vinnunni og fræðst mikið

....farið á kaffihús með hjúkkuvinkonunum

....farið of lítið í ræktina (eins og ávallt)

....kosið gegn stækkun álversins í Straumsvík

....og síðast en ekki síst........nú síðan á fimmtudag legið ásamt allri fjölskyldunni í hinni óskaplega skemmtilegu MAGAPEST !!!

Kommentið vinsamlegast ef ykkur langar að fá nánari útlistingu á einhverru ofangreindu nú og/eða ef þið viljið að ég haldi áfram að blogga.

Takk og bless

Grey´s ... grey´s

Bara láta ykkur vita að ég er að fara að horfa á grey´s anatomy, bara 2 grey´s tímar þangað til Kolbrá vaknar! Nú er sko allt hér á bæ mælt í svokölluðum grey´s tímum t.d. svaf róbert í 8.5 grey´s tíma o.s.f.v Hvaða bull er ég að skrifa hér, aðeins of mikið svefnleysi um helgina (næturvaktahelgi) og enginn skilur þetta nema róbert, þvílíkur einkahúmor í gangi. Best að stilla vekjrarann á 7;33

Skrifa meira fljótt - lofa!

Framgangskerfi crap

Jæja já, ég hef nú fengið þær ábendingar að illa gangi að kommenta á þetta athugasemdakerfi hér og biðst ég velvirðingar að svo sé, hins vegar hef ég ekki hugmynd um hvers vegna svo er en hyggst komast að hinu sanna. Álykta ég því einnig að það sé orsök dræmra undirtekta við síðustu bloggum.

Nú sit ég sveitt yfir nokkru sem kallast framgangskerfi og er eitthvað sem hjúkrunarfræðingar þurfa að setja sig inn í til að geta átt möguleika á launahækkun (sem eru jú auðvitað eitthvað sem er eftisóknarvert) en þvílík steypa..... þetta er svona sjálfsmat þar sem merkja á við 1-10 eftir því hversu framúrskarandi manni finnst maður vera, svo í lokin koma markmið og styrkleikar og e-ð þvíumlíkt sem skrá þarf á sér blað. Að auki þarf að fylgja með afrit af starfsferilsskrá (sem ég þurfti að útbúa bara rétt í þessu) og afrit af hvers kyns fræðslu, endurmenntum og öllum erindum sem maður hefur tekið þátt í. Þannig má sko með sanni segja að bara það að útfylla þetta allt ætti að vera grundvöllur að launahækkun, svo ekki sé minnst einu orði á vinnuna sjálfa! Og hananú.

En vikið að öðru máli, árshátíð Hafnarfjarðarbæjar. Fórum á hana á laugardaginn og skemmti ég mér bara hið besta þrátt fyrir að þekkja einungis eina manneskju (að ég hélt), þær reyndust nú í lokin vera þrjár en kynntist ég einnig hinu ágætasta fólki sem endaði á að draga mig með í bæinn (þrátt fyrir afar litla nennu til þess). Maturinn var ljúffengur og þrírétta sem árshátið sæmir, Örn Árna var veislustjóri og var nettur en Auddi og Typpatalið hans var ekki að slá í gegn. Svo var Jónsi og co að spila ásamt Friðriki Ómari og Guðrúnu og voru allir í hvínandi sveiflu. Á reykmettum stað í Reykjavík hittum við svo þá félaga Bjössa og Hjalta, ásamt fleirum og lék vinur vor Binni á hljóðfæri þar inni. Kvöldið endaði svo á að ég fékk svæsna reykeitrun og er nú á mánudegi rétt að ná mér.

Í lokin koma hamingjuóskir til Tótunnar litlu sem nú er ekki lengur minnst, heldur hefur dóttir hennar fengið það hlutverk en sú stutta fæddist fyrir rúmri viku, þann 25. febrúar og var því bara nokkuð stundvíslega á ferð. En þvilíkt og annað eins yndi......

En nú er daman vöknuð og best að ná í hana......